汽總黎兆聰為白癡論道歉 葉蔚琳﹕各為其主 唔使介意
[2018.08.16] 發表
【明報專訊】工聯會屬下嘅汽車交通運輸業總工會九巴同龍運分會，不滿九巴5%嘅加薪幅度及指資方談判態度惡劣，前日喺沙田新城市廣場巴士總站發起閃電半小時嘅「封站」行動，唔少網民就重提番，今年初汽總九巴分會副主任黎兆聰嘅「不會學似些白癡，按章工作、一人罷工」言論。事隔多個月，黎兆聰噚日喺電台節目解釋，當時係喺記招後同工友傾偈時發表呢番言論，向受到傷害嘅人致歉，「講聲對唔住」。
黎兆聰呢番言論，當時被指係不點名批評今年初為咗抗議九巴薪酬調整方案而發起罷工嘅女車長葉蔚琳。葉蔚琳噚日就透過短訊覆番Emily，話「各為其主，你叫佢(黎兆聰)唔好介意，大家努力為工人，團結便是力量，齊心便事成」，仲話一定會支持佢喎。
黎兆聰噚日接受港台節目《千禧年代》訪問，話見到有唔少人喺網絡上攻擊呢次行動，但強調佢哋嘅行動係以伙計福祉行先，唔係為自己。汽總第一副主席張子琦就促請九巴善意回應訴求。
更多港聞
年輕在囚者學做足球裁判 「上半場落敗 下半場盡力」
【明報專訊】想親身睇亞運足球賽，可以飛去印尼，但喺壁屋懲教所入面搞嘅球賽，就有錢都入唔到場睇喇。懲教署噚日出短片，等大家一睹青少年在囚者早前... 詳情
【明報專訊】美食博覽今日喺灣仔會展開鑼，商戶過去只提供即棄餐具，清潔工人幾乎每20分鐘就要清一次垃圾桶；貿發局噚日公布，已同社企「Bottl...
詳情
【明報專訊】立法會議員、新界關注大聯盟發言人何君堯不斷狙擊佔中發起人、港大法律學院副教授戴耀廷，繼上星期指戴3月喺台灣發表「港獨」言論涉觸犯...
詳情
相關新聞
