【明報專訊】前財政司長曾俊華(John)去咗商台開咪，主持《薯片鬚MUSIC》節目，佢噚晚話咁多年嘅七一，佢最難忘係1997年。薯片當時係港督彭定康嘅私人秘書，參加英方告別儀式，喺碼頭送別彭定康同英方代表。John仲記得當日落住滂沱大雨，坐佢隔籬嘅係來港出席典禮嘅哥倫比亞代表，四周有4個保鑣拎住雨傘企隔籬，結果呢幾個保鑣嘅雨傘水不斷流到John嘅身上，話搞到佢套西裝幾乎要報銷！ 2003年，John當時係房屋及規劃地政局常任秘書長，諗番當年七一，睇到七一大遊行街頭震撼嘅場面，佢話感覺成個世界靜止咗。唔知John對於今年七一又有咩感覺呢？
|
| |
| |
