余德寶教小朋友包糉﹕糉唔係來自超市

（余德寶fb短片撮圖）

【明報專訊】唔少政黨都以「蛇齋餅糉」接觸市民，今日端午節，民建聯鄭泳舜(Vincent)噚日就喺facebook上載短片教大家包糉，有板有眼，仲畀黨友陳恒鑌同何俊賢試食，自認嘴刁嘅何俊賢畀8.5分。剩低嗰1.5分去咗邊呢？何俊賢話1分係嫌肥豬肉分量少，0.5分就畀Vincent當進步空間喎。

公民黨油尖旺區議員余德寶前日就喺區內搞親子包糉班(圖)，吸引唔少父母帶埋小朋友一齊學，佢哋包得笑容滿臉，之後一齊影相擺上fb。余德寶話希望藉活動話畀下一代知，糉唔係「由超級市場而來」，而係一手一腳包出嚟。余德寶話，佢同一班資深義工都有份教街坊包糉，但學包糉只有5年，笑言相比起資深義工，自己係「BB班」。熱血公民立法會議員鄭松泰前日亦到元朗擺街站，向街坊派糉及閒話家常。

更多港聞

減廢大挑機 官民齊響應 囡囡食清飯餸 國鈞倍感安慰

【明報專訊】環境局同環保署近日推出「減廢大挑機」網上宣傳活動，希望藉社交媒體平台推動市民減廢，無論官員、建制同泛民議員都紛紛響應，貼出日常生... 詳情