視乎場內人數 平日訪大館或不用預約
[2018.06.12] 發表
【明報專訊】中區警署建築群活化計劃「大館」5月底開放畀公眾後，唔少人都去參觀，但要先上網預約。大館噚日公布，由於反應熱烈，大館將會有新安排，當平日(星期一至五)場內訪客少於3500人，市民就可以即場入內參觀，唔使事先拎入場證；至於星期六、日同公眾假期，公眾要參觀仍然須憑大館入場證進場。
周末紅假仍要入場證
雖然平日毋須預約，但大館強烈建議訪客都預先喺網上或使用大館手機應用程式預訂免費入場證，以平均分佈訪客入場時間，確保訪客有舒適體驗之餘，並有助保護多座歷史建築物，減低對周邊社區嘅影響。大館話，開幕初期會特別謹慎管理訪客人數，隨住更多設施陸續開放，會繼續檢視訪客入場安排、場地嘅容納人數限制，以讓訪客有更好體驗。
更多港聞
【明報專訊】學生自殺新聞近年不絕於耳，不少學生亦因自我肯定程度低，情緒受困擾。香港中文大學社會科學院與慈善團體合作，在中小學推廣正向教育並研...
詳情
相關新聞
