林鄭訪粵 盼兩地人民擁抱大灣區
[2018.05.18] 發表
【明報專訊】特首林鄭月娥過去一星期不斷外訪,繼四川、泰國後,噚日又完成咗兩日嘅大灣區考察行程,中午同廣東省委書記李希及省長馬興瑞會面。林太喺會面中感謝廣東省政府上個月為立法會議員考察粵港澳大灣區做咗大量準備工作,議員反應好正面,又話發展大灣區有天時地利人和,希望兩地嘅合作踏上新台階。
林太提到要打造國際級大灣區,兩地喺創新方面嘅合作需要有所突破,而國家主席習近平日前作出批示,香港嘅大學同科研機構將可申請「中央財政科技計劃項目」,對粵港澳大灣區未來發展成國際創新科技中心好有幫助。佢又向李希話,兩地要繼續加強青年交流同民心相通方面嘅工作,令兩地人民擁抱大灣區發展。
林太噚日到訪咗廣州高新技術產業開發區科學城、天河區港澳青年之家創業基地、廣深港高速鐵路位於南沙區嘅慶盛站等地。
更多港聞
21/22年達門檻學生或不足2萬 學額供過求擴大 自資校﹕收生戰國時代
【明報專訊】中學畢業生人數持續減少,現時就讀中學的每級學生人數都不超過5.15萬人(見表),受2003年SARS低出生率影響,今年就讀中二和... 詳情相關新聞