【明報專訊】喺立法會新界東補選中落敗、自稱係神叫佢參選嘅趙佩玉，噚日煞有介事喺社交網站打咗一篇長文，要澄清「我說主耶穌叫我參選我一定贏」嘅講法。趙話，起初都誤以為係選舉得勝，但最後發現原來係「支持家庭價值嘅得勝」，因為有更多香港市民知道同關注同性戀性解放運動嘅禍害喎。 趙佩玉喺選舉中只係得3068票，得唔到有效票數嘅3%，5萬元選舉按金要被沒收。但似乎佢對於自己得票數目已經好開心，佢仲話「3＋0＋6＋8＝17，這是主耶穌給我的數字，告訴我17是得勝！」 不過，佢就無解釋點解要咁計。 「耶穌給我數字 17是得勝」 趙佩玉仲話，自己嘅選舉經費，包括按金、宣傳品等雜項費用，只係用咗唔夠10萬元，可能仲會有餘款去做善事。
|
| |
| |
