【明報專訊】出戰新界東補選嘅新民主同盟范國威(Gary)獲得3名曾經「倒戈」嘅前新同盟區議員丘文俊、趙柱幫同陳兆陽，喺社交網站發帖支持，唔通大家已經大和解？丘文俊同Emily講「我同佢(范)無咩恩怨」，今次補選係大是大非嘅事，民主派無分裂本錢，故支持所有民主派候選人。 丘文俊：我同佢無咩恩怨 丘文俊、趙柱幫同陳兆陽喺2016年立法會換屆大選投票當日「倒戈」幫Gary對手鄭家富拉票，Gary當時譴責3人，3人事後退出新同盟，Gary最終連任失敗；但3人噚日就發帖呼籲市民支持民主派所有候選人，包括范國威。 的士界為阿彪拉票 丘文俊仲話未來幾日一定會擺街站呼籲投票，至於會唔會為Gary站台，佢話「睇佢取態喇，今日為止都無人聯絡我」。 另外，擁有工聯會、民建聯「雙牌頭」嘅鄧家彪喺社交網站上載的士司機從業員總會嘅支持短片，總會嘅會務總監李為民話阿彪好關心的士司機同基層，會為佢哋爭取權益。 新東其他候選人有黃成智、方國珊、陳玉娥同趙佩玉。
|
| |
| |
;){kind=small}
