蛇齋餅糉升級 區議員奶粉派街坊
[2017.12.22] 發表
【明報專訊】區議員平日都會趁大時大節派蛇齋餅糉，見怪不怪，尤其𠵱家年尾天氣凍，除咗向街坊派月曆，仲會搞蛇宴。Emily聽聞最近有區議員送禮升級，就係派兩罐BB奶粉。民主黨大埔區議員區鎮樺最近派嬰兒同小朋友食嘅澳洲奶粉，街坊只要拎出世紙證明就可以拎禮物。
助食物銀行散貨
點解咁大手筆送大禮？區鎮樺同Emily講，啲奶粉其實喺食物銀行拎返嚟，因為食物銀行要將就快到期嘅貨品趁早散貨，所以佢哋拎嚟派畀有需要嘅街坊。不過，佢話𠵱家反應唔算熱烈，只係有好少街坊去拎，話可能啱啱宣傳一兩日，大家都未知有得派。
區鎮樺仲介紹今次有3個型號嘅奶粉，適合嬰兒到3歲小朋友。每個型號都拎咗100罐返嚟，街坊只要拎住相關出世紙證明，就可以拎兩罐奶粉，如果一個月內食晒，仲可以去拎多次。不過，佢提醒依批奶粉明年3月就係最佳食用日期嘅限期。據街坊攞到嘅奶粉，到期日喺2018年4月。
更多港聞
【明報專訊】過多幾日又到聖誕，今年天主教香港教區主教楊鳴章喺聖誕賀辭，就講耶穌出世時，瑪利亞同若瑟嘅辛酸，仲話真正嘅喜悅係要通過共同承擔困難...
詳情
東華水泉澳辦學 新小學半日教書 下午導修特色課
【明報專訊】位於沙田水泉澳博泉街的新小學校舍，終由東華三院成功投得，由於該校舍加入了先於空置校舍營運的過渡安排，東華三院須於下學年起暫時使用... 詳情
【明報專訊】教育工作者聯會在11月24日至12月7日，以問卷調查方式共向264名在職教師查詢有關其身心健康等問題，結果發現九成教師表示工作壓...
詳情
相關新聞
