范國威挑機 郭永健：我橫過你 張秀賢建議搞民主派陸運會

【明報專訊】負責協調民主派出戰立法會補選嘅民主動力，噚日舉辦民主派新界東初選論壇，新民主同盟范國威(Gary)、工黨郭永健同獨立張秀賢喺互相質詢環節「泥漿摔角」，31歲嘅郭永健形容自己有活力，但隨即遭玩開拳擊嘅Gary下戰書，建議「比併掌上壓」，比較吓邊個更有活力，郭永健就反駁「我橫又橫過你，高又高過你」。呢段舌戰引嚟現場一片笑聲，最後張秀賢打圓場，建議搞番個民主派陸運會，畀大家強身健體咁話。

本身係上屆立法會議員嘅Gary強調，議會抗爭要有活力，被抬走時亦要技巧應對。工黨新主席郭永健話，早前工黨喺抗議特首林鄭月娥嘅行動上，自己成功衝到去林太座駕，差啲開埋車門，最終逼到林太接請願信，呢種就係活力表現。佢話自己多次被人抬，但唔使降格到「上擂台打拳」，因為呢個係激進派先會採取嘅策略。

張未回應有無獲青政支持

今次新界東補選議席原屬於青年新政梁頌恆，三人噚日被問到有無獲得青年新政支持參選，Gary同郭永健都斬釘截鐵話無；張秀賢未有正面回應，只係話參選人應該獲青年新政同本民前認可同接受，有「朋友」同佢講過佢係可接受人選，但未提供青政支持佢嘅證據。

更多港聞

林定國想連任大律師公會主席

【明報專訊】政圈近排傳出律政司長袁國強好快離職，資深大律師、「女公職王」鄭若驊係接班頭號大熱，而大律師公會主席林定國（Paul）早排都畀人傳... 詳情

趕工展會開幕 林鄭上京將搭通宵機返港

【明報專訊】特首林鄭月娥本周三就會上京向中央領導人述職，按照政府嘅公布，佢會喺15日（周五）返港；但原來林太喺北京，工作行程應該去到周五晚上... 詳情

無交會費 季霆剛選人代不代表民記

【明報專訊】全國港澳研究會成員季霆剛早前報名參選港區人大代表，有民建聯高層同Emily講，其實季霆剛已經好耐無交會費，所以已經唔係民建聯代表... 詳情

卓越獎學金得主 留英歸來 現職西九

【明報專訊】2014年推出嘅香港卓越獎學金計劃，第一屆獎學金得主學成歸來。31歲嘅邱浩朗喺2015至2016學年去咗英國倫敦大學金匠學院讀藝... 詳情

馬場奏國歌 馬迷刨馬經

【明報專訊】沙田馬場噚日舉行國際賽事，來自世界各地嘅頂級佳駟爭奪各項殊榮，當中第五場賽事，代表香港嘅「紅衣醒神」勝出1200米國際一級賽香港... 詳情