草委廉希聖：基本法「一字千金」
[2017.11.18] 發表
【明報專訊】前基本法起草委員、中國政法大學法學院教授廉希聖噚日出席一個《基本法》研討會，分享當年起草基本法嘅難度。佢話其中一個難度係「一國兩制」係新事物，國際上無同類法律可以參考，就好似國家已故領導人鄧小平所講係「摸着石頭過海」。佢話，香港同內地委員認識嘅法律制度、文化背景唔同、語言不通，坦言開第一次會「他們的說話我都聽不懂」。
廉舉咗一個文化差異嘅例子，佢話起草之初未需要有具體條文，淨係處理大綱、結構，例如要寫低有一部分要處理香港居民權利，都有兩個香港委員反對，原因係「格式太土氣」，同香港用開嘅格式唔同。佢強調，現有嘅基本法係中央、香港和英國3方都接受，中央投入大量人力財力起草基本法，笑言班委員當年開會，每日食飯唔止四餸一湯，而係有咩好食就食，邊度風景好就去開會。佢又話，港澳辦當年話起草基本法冇財政預算，「花多少就是多少」，仲話「一字千金」。
更多港聞
相關新聞
