青年無錢買樓 陳帆話可以出去走吓
[2017.11.14] 發表
【明報專訊】運輸及房屋局長陳帆噚日應青協邀請，與逾百名青年談《施政報告》，短短一小時內學生問咗27條問題，大部分圍繞房屋同交通，有學生直截了當問局長香港嘅樓價幾時會下跌同埋跌幾多，陳帆話佢都好想知，可惜佢無水晶球。陳帆話明白同學喺求學階段已經好關心置業問題，但買樓只係佔人生小部分，眼光要放遠啲，「有錢咪買(樓)囉，無嘅亦可以追尋理想，出去走吓、體驗吓呢個世界，令到生命更豐盛」。
陳帆又話佢幾十年前都好似在座學生一樣，反叛但有創意，佢中六時好少時間讀書，上堂會走咗去另一間學校見校長，邀請嗰間學校參加自己學校舉辦嘅活動；學校搞運動會，佢又會同其他同學攞住條橫額繞住大球場外圍跑，又高叫口號，令人側目。有一日佢問老師自己有無機會升讀大學，老師就話「得嘅，畀啲信心自己」，就係咁燃起佢嘅鬥志，即時發憤苦讀，最終追回進度考入大學。佢話年輕人好需要鼓勵，遇到困難亦唔好放棄，平時多啲問問題，未來嘅社會才會有轉變。
更多港聞
【明報專訊】伊利沙伯中學舊生會小學分校上周三（8日）向小五級學生發通告，指將於明年1月19日「全校多元化學習日」舉行東莞交流團，到訪虎門林則...
詳情
【明報專訊】香港大學教師及職員會等本月就特首林鄭月娥提出新增100億元大學研究撥款，及大學教育資助委員會（教資會）要求八大教學人員填寫工作時...
詳情
相關新聞
