【明報專訊】民主黨劉慧卿雖然從立法會退下火線，但仍然十分活躍社會事務，佢呢幾日就喺以色列，話考察當地教育制度及培養尖子嘅方法，睇吓有邊方面香港可以借鏡喎。卿姐同Emily講，教育拔尖同保底同樣重要。

點解卿姐會關注教育工作？卿姐就提醒Emily，其實佢已經做咗香港資優教育學苑董事局成員4年，學苑專門協助發掘資優學童做培訓。學苑成員由周一至周四到以色列考察，而以色列嘅科研及培訓好出名。

訪問團噚日拜訪當地學校，今日會去Henrietta Szold Institute睇吓佢哋嘅師友計劃，及了解人哋點樣發掘及培養資優學生。到咗周三，佢哋會去Davidson Institute及特拉維夫大學取經。卿姐話，佢覺得香港教育要加把勁，要諗方法幫助弱勢學生，亦要有方法培養優才先得。