【明報專訊】一年一度嘅明愛九龍區慈善賣物會噚日喺花墟公園舉行，今年有貴賓主禮，就係賣物會「常客」、教育局長楊潤雄(Kevin)。Kevin一身活力打扮，著住紅色運動鞋現身，佢事後喺facebook留言，大玩老歌《愛在深秋》，因為大家喺秋高氣爽下參與善事，以愛服務社會咁話。

賣物會有多間天主教學校擺攤位，Kevin噚日心情大好，仲專誠去為九龍華仁書院師弟打氣，佢話參加賣物會係九華嘅優良傳統，讚師弟熱心參與好難得，而原來佢喺九華時都有兩年去過賣物會幫手，噚日見到學生咁積極，梗係欣慰啦。