流會傾唔到譴責動議 何君堯失算
[2017.10.20] 發表
【明報專訊】立法會議員何君堯(圖)之前喺反港獨集會上的「殺無赦」言論風波仲未平息，香港本土毛孟靜就此動議譴責何君堯，原本喺噚日立法會大會中討論，何君堯事前仲特別發短訊提醒建制派兄弟，記得屆時坐定定支持「不就譴責動議採取行動」議案。
不過，噚日立法會流會，暫時傾唔到呢個譴責動議，何君堯就同Emily講自己所有嘢都希望盡快做，不過做得嚟要小心翼翼，而譴責動議唔係問題，因為最後都唔會成功。佢話估唔到噚日會流會，批評係泛民玩程序搞到咁，「點人數以為好聰明，實際上係掩耳盜鈴」，呼籲泛民回頭是岸，唔好再做啲損害香港利益嘅嘢，佢對流會非常憤怒。佢又話，建制派修改議事規則就係要修補漏洞。
謝偉俊﹕流會唔係為咗保住佢
而另一立法會議員謝偉俊就笑住話，「譴責何君堯可以慢慢譴責」，而流會唔係為咗保住何君堯。
更多港聞
【明報專訊】立法會新一年會期啱啱開鑼，立法會秘書處噚日發通告畀議員，邀請議員加入立法會足球隊。喺每個立法會會期內，秘書處都會籌辦最多3場比賽...
詳情
相關新聞
