網傳名字未列英律師名冊 被指虛報 何君堯fb貼登記號碼駁傳言

【明報專訊】立法會議員何君堯近期真係網紅，噚日社交媒體廣泛流傳一封由英國律師業註冊及監管機構Solicitor Regulation Authority(SRA)所發嘅信件，上面話喺律師名冊上搵唔到Junius Kwan-Yiu Ho(何君堯)呢個名，仲話佢唔係律師(is not a solicitor)。事件擾攘咗大半日，唔少網民話要舉報何選舉失實。結果英國當局證實何君堯有註冊，而佢噚晚就喺facebook留言開火：「黃屍們，聽清楚！我是何君堯，不用查了，我SRA登記號碼是204585。」

噚日網傳英籍公民記者Richard Scotford喺網上發布一封聲稱由SRA回覆網民嘅信件，信中SRA話經過調查後發現，Junius Kwan-Yiu Ho唔係律師(is not a solicitor)。事件喺網上發酵，有人話翻查立法會網頁同何君堯所屬律師樓「何君柱律師樓」網站，佢都寫明「於1997年成為英格蘭及威爾斯執業律師」，而喺早前嘅立法會選舉單張，佢都介紹自己係「新加坡和英國及威爾斯執業律師」。

機構：有「Kwan Yiu Ho」註冊

Emily之後致電去SRA了解，職員話翻查「英格蘭和威爾士執業律師」名冊後，發現有另一個何君堯個名嘅組合「Kwan Yiu Ho」，SRA之後回覆話證明佢1997年9月1日已經喺英格蘭同威爾士註冊(admitted in England and Wales)。何君堯事後喺facebook澄清，1997年已喺英國取得執業資格，又提到喺新加坡都有，但「執唔執業係另一回事」。何君堯又話，有人對事件「一知半解」，以為「搵到張咁嘅紙已經如獲至寶」，仲叫對方做多啲研究，唔好浪費時間喺呢個問題，「你都唔係hit中咗jackpot(中頭獎)」。

更多港聞

為導盲犬協會籌款 田大少二少互餵雪糕

【明報專訊】田北俊（田大少）噚日喺facebook上載短片，話畀「薯片叔叔」（前財政司長曾俊華）「挑機」做Ice Cream Challen... 詳情

郵輪搵鼎爺做talk show

【明報專訊】香港一直致力發展郵輪業，有唔少郵輪都會以香港做母港，皇家加勒比國際郵輪「海洋航行者號」同「海洋贊禮號」就分別喺唔同季節，以香港同... 詳情

龍應台講青春迷惘 聽眾迫爆中大廣場

【明報專訊】當自身信念被社會衝擊，有邊個可指點迷津？噚日台灣著名作家龍應台喺中大博群大講堂開講，開宗明義講信念，以「青春迷惘後發現的十三件事... 詳情