劉國勳：樂華九巴車長休息室好快批
[2017.09.07] 發表
【明報專訊】早排樂華邨巴士總站嘅車長休息室，畀房屋署話違規並圍封，引起社會關注，立法會議員劉國勳噚日就做咗政府「代言人」，話收到消息政府會喺一兩日內正式批出有關申請，到時個車長休息室就可以正式投入服務。
九巴上個月9號喺牛頭角樂華邨巴士總站設置一個可以配備冷氣、畀車長休息嘅「員工休息室」，第二日房署發現做法「未經許可」，派人去圍封，要求48小時內移走所有物品。
有個案申請6年都未批
劉國勳話，根據資料，九巴全港巴士站有需要設置車長休息室嘅地點有217個，其中169個地點已設有供車長休息嘅區域，餘下48個有需要但仍未能設置車長休息室個案中，39個已經獲得運輸署批准並正諮詢公衆。
佢話剩餘嘅9個個案(新田圍、尚德、樂華、寶田、美林、葵盛東、石梨、彩雲、禾輋)仍有待房署審批。其中有個案喺6年幾前申請，至今未獲批，劉國勳促請當局盡快處理申請，改善車長工作環境。
九巴職員權益工會理事長李國華就同Emily講，據佢了解，全港有需要設置車長休息室嘅地點中，已經有95%有休息室，工會會繼續爭取。佢又話，通常申請未得到房署、地政處、領展同意或審批，先遲遲未成事。
更多港聞
【明報專訊】海洋垃圾問題嚴重，本港不時有大量垃圾冲上沙灘，影響景觀仲發出臭味。近年都有唔少團體自發到各個沙灘執垃圾，今個月23號，歐盟駐港辦...
詳情
【明報專訊】立法會內外近年不時有示威衝突，亦有發生議員開會期間抗議事件，保安工作尤其重要，據了解，現任立法會總保安主任周偉德將屆60歲，明年...
詳情
籌備兩年 學生找贊助製戰車 理大方程式車隊下月出征
【明報專訊】兩年前因參加交流團，一直喜歡汽車的鄧梓聰知道內地原來有大學生方程式賽車，為了籌備參賽，他足足花了兩年時間，成立全港首支大學生方程... 詳情相關新聞
