徐英偉為塞車遲大到道歉
[2017.09.04] 發表
【明報專訊】一到周未,一眾局長同副局長就會忙於出席唔同活動。有讀者同Emily講,上周六參加浸信會愛群社會服務處主辦嘅兒童發展基金第六批Step Up 6生命導航計劃啟動禮,副勞工及福利局長徐英偉係主禮嘉賓,不過讀者就話佢嗰日遲大到,令活動足足遲咗40分鐘先開始,致辭時又無表示歉意,對佢好失望咁話。徐英偉其後就託新聞主任回覆Emily,為事件一再致歉。
據Emily了解,呢個啟動禮於9月2日下晝兩點半舉行,地點喺尖沙嘴,儀式最後喺下晝3點10分先開始。Emily就事件向勞福局了解,徐英偉託新聞主任回覆時,一再強調要為事件致歉,又話當日已經預早咗時間出門口,但受到太子道西天橋往旺角方向嘅一宗交通意外影響,要等唯一嘅行車線解封先可以行車,到場後都立即向主辦單位道歉,又縮短咗喺台上嘅講辭,希望唔好太耽誤大家時間,亦希望到場嘅家長玩得開心。
更多港聞
【明報專訊】立法會休會,唔少議員都趁暑假外遊休息,鍾意戶外活動嘅民建聯葛珮帆(EQ)就去咗馬爾代夫,潛水資歷深厚嘅佢今次唔喺水底玩,挑戰自己...
詳情
【明報專訊】逾百港生申請英國留學簽證逾期未獲批,協助受影響學生的立法會教育界議員葉建源昨表示,部分學生稱收到簽證中心電話通知,可於昨天即日到...
詳情
相關新聞