指控騙8000萬 300人促通緝「假活佛」

300名「假活佛騙案苦主大聯盟」成員噚日去灣仔警察總部請願，報稱被一名自稱「活佛」嘅人詐騙，涉及總金額逾8000萬港元。（李紹昌攝）

【明報專訊】約300名「假活佛騙案苦主大聯盟」成員噚日到灣仔警察總部請願及報警，報稱被一個自封「活佛」、叫陳寶生嘅男人呃咗，話畀「活佛」呃咗8000幾萬。佢哋話「活佛」已逃離香港，大聯盟促請警方展開海外通緝，又向保安局長政治助理劉富生遞交請願信。

立法會議員劉國勳話，大聯盟成員來自內地、台灣同香港，形容今次事態嚴重，指控詐騙集團以宗教為名，「以香港為中心基地詐騙」。劉國勳話問過警方會唔會海外通緝，警方回應話要睇吓有幾多受害人同事件嚴重程度。Emily諗住八吓警方將有咩行動，至截稿時未有回覆。

32歲嘅陳亞來話自己被騙20幾萬，又話「活佛」喺土瓜灣租咗工業大廈單位，話係接見信徒嘅「佛堂」，聲稱「為信徒祈福和消災」。來自天津嘅呂立娟喊住話畀陳寶生呃咗18萬人民幣，佢追隨「活佛」去港、台，又試過去法國城堡「做義工」，「幫陳寶生打掃、除草、清潔」。據指呢座城堡屬陳擁有，價值上億。

來自瀋陽嘅傅杰聲稱被騙263萬，話自己買咗300幾樽「保健產品」同面膜。佢話保健產品以「神藥」能醫百病做招徠，最終食到患上皮膚病。

更多港聞

勞處外傭單張被批易生誤會

【明報專訊】勞工處早前以唔同渠道向外傭派發「薪酬及就業紀錄」單張，交代外傭享有嘅法定權益，單張附有表格，教佢哋點計算人工同假期。香港家庭傭工... 詳情