無懼油污 陸頌雄鍾情海美泳灘
[2017.08.07] 發表
【明報專訊】近日天氣咁熱，唔少人都去海灘暢泳，但噚日政府公布大嶼山及港島唔少泳灘都有油污，掛起紅旗叫人唔好落水；工聯會陸頌雄一於少理，噚日帶埋囝囝去荃灣海美灣泳灘偷得浮生半日閒，話嗰度無發現油污，水質都算清澈。
陸頌雄著住泳褲拍片介紹，話呢個海灘好少人去，有青馬大橋景觀，沙粒都算幼，靜靜哋有少少似私人泳灘feel。佢游水之餘都不忘話多謝救生員服務，話支持佢哋爭取更好待遇。
(陸頌雄facebook圖片)
更多港聞
相關新聞
