迷你倉偵查 明報奪金獎 邱騰華：記者研究提點政府

今屆消委會消費權益新聞報道獎頒獎禮中，《明報》獲得兩個文字組別「調查報道」獎項，一眾得獎新舊手足都有到場領獎。（楊柏賢攝）

《明報》偵查組同事憑「迷你倉工廈系列」報道，得到文字組別「調查報道」金獎。

【明報專訊】消費權益新聞奪2獎

消費者委員會噚日舉行第17屆消費權益新聞報道獎頒獎禮，今年《明報》得到兩個獎項，偵查組同事李穎欣同張煒明憑「迷你倉工廈系列」調查報道，得到文字組別「調查報道」金獎，呢個揭露工廈迷你倉安全隱患嘅報道，歸納出全港迷你倉嘅數目，發現多個改裝同僭建嘅密封式迷你倉，揭示咗迷你倉嘅消防安全問題。而港聞同事李詠珊、劉嘉裕、阮秀君同已離職嘅舊同事張艷紅，就憑「領展停車場系列報道」得到文字組別「調查報道」嘅優異獎。同事噚日都有上台領獎，Emily恭喜晒咁多位。

評語讚記者資料蒐集「詳細過政府」

消委會主席黃玉山噚日話，今屆共收到249份參賽作品，係近10年新高，而今年有重整參賽組別，等網絡媒體嘅作品可以納入評選範圍。

主禮嘉賓商務及經濟發展局長邱騰華致辭時就話，得獎作品都好有趣同特別，亦見到記者做咗好精細嘅研究工夫，佢仲話見到有評語提到，「記者做嘅資料蒐集，較政府更詳細」，除咗見到新聞界能夠補足政府嘅工作，對政府亦係一個好好嘅提點；最後局長仲玩食字，話希望香港係一個好嘅「迎」商環境去迎合消費者需要，亦要歡迎消費者來港消費，最後就可以達至樂「盈盈」個「盈」咁話。

更多港聞

賀建軍90周年 前一哥憶駐軍進城

【明報專訊】駐港解放軍噚晚喺中環軍營舉行長約30分鐘嘅酒會，慶祝解放軍建軍90周年，除咗特首林鄭月娥、全國政協副主席董建華及梁振英等主禮嘉賓... 詳情

郭振華任工總主席 林鄭笑陳茂波驚點名才「打卡」

【明報專訊】香港工業總會噚日選出新一屆理事會成員，身兼勞工顧問委員會委員嘅郭振華擔任工總主席，主席團6人中有一半人係政協。特首林鄭月娥都有去... 詳情

下周一晚暗紅月偏食

【明報專訊】當太陽、地球、月亮三者位處同一直線時，太陽照射到月亮嘅光線便會部分或完全地被地球遮蓋，產生月食，而呢個天文現象下周一（8月7日）... 詳情

陳家強重返科大執教鞭

【明報專訊】再有上屆班子官員申請離職後再就業，「前任行政長官及政治委任官員離職後工作諮詢委員會」噚日公布，財經事務及庫務局前局長陳家強今日起... 詳情