【明報專訊】多個問責官員輪住現身書展「接地氣」，財經事務及庫務局長劉怡翔噚日去書展同後生仔分享閱讀心得，佢話睇唔同類型同行業嘅書，可以擴闊眼光。劉怡翔向年輕人推薦關於人工智能同大數據應用嘅書《智能時代》，佢亦買咗講述背包客喺一帶一路國家旅行嘅旅遊書《背包行》，以及一本親子書《快樂王國》。 劉怡翔話，上任已經廿幾日，無壓力問題，因為以前做過金管局同財經事務及庫務局副局長，所以對現時嘅工作都熟悉。 劉怡翔話自己好鍾意睇旅遊書，因為可以了解歷史文化同風土人情。佢亦向年輕人介紹人工智能嘅書，指社會過分依賴科技，好多工作將會被電腦取代，人類嘅創造力就會變得好重要，因為有創造力嘅工種就可以留低。教育局長楊潤雄噚日都去咗書展捧場。環境局長黃錦星今日亦會應M21青協網台邀請，去書展同青年分享閱讀樂趣，唔知大嘥鬼到時會唔會一齊去呢？
|
| |
| |
;){kind=small}
