3校贏競委會宣傳賽 下月獅城交流

競委會主席兼比賽首席評判胡紅玉（圖）話，宣傳創作比賽收到逾130份參賽作品，同學仔都用趣味方法講解競爭法，未來除咗向中學生宣傳，亦會向大專生入手，希望市民更了解競爭法。（植敏欣攝）

【明報專訊】競爭事務委員會成立一年半以嚟，除咗做研究報告、調查涉嫌違反競爭法嘅公司，仲有做唔同方面嘅宣傳教育。競委會噚日就公布「競爭有道」全港中學生宣傳創作比賽結果，顯理中學、聖傑靈女子中學同埋順德聯誼總會李兆基中學3支隊伍贏得大獎，可以代表香港下月去新加坡交流。

小食部作題材 拍片講合謀定價

顯理中學嘅同學就喺片中扮鬼扮馬，扮演兩個小食部嘅老闆，夾埋推高小食部零食價錢，點知被學生發現佢哋合謀定價，違反競爭法。順德聯誼總會李兆基中學嘅同學，就用港人熟悉嘅機票優惠做題目，同學仔扮演兩間航空公司負責人，合謀加行李價格。

至於聖傑靈女子中學嘅同學，就藉虛構人物「黃老伯」比武招親嘅故事，去講有參加者阻止其他人贏比賽，做出反競爭行為。競委會主席兼比賽首席評判胡紅玉就讚勝出嘅作品好有創意，亦顯示出同學對條例有清晰理解。

候任特首林鄭月娥日前公布新任行會人選，胡紅玉將離任，Emily噚日想八卦吓佢嘅未來去向，不過胡紅玉一完咗頒獎禮就急急腳走咗，Emily想問都無機會。

更多港聞

港怡醫院體驗日 小朋友學通波仔

【明報專訊】今年3月啟用嘅港怡醫院呢兩日搞咗個小小醫生體驗日，逾百名小朋友可以喺真嘅醫院穿著手術袍扮醫生。唔好以為係打針餵藥咁「小兒科」，小... 詳情

「歌神」校友賀英華創校200年

【明報專訊】英華書院即將步入創校200周年，前日為咗慶祝英華小學新泳池建成，英華刷新健力士世界紀錄「Largest Gathering Of... 詳情

構思電動車電池重用 港代表奪兩冠

【明報專訊】環境局去年8月推出「電動車退役電池重用國際大賽」，為重用電動車退役電池廣納創新及實際可行嘅建議，比賽分為公開組及學生組，吸引逾5... 詳情

全球最大吊掛花燈慶回歸

【明報專訊】慶祝回歸20周年同紮花燈都有關係？道教非牟利慈善團體「通善壇」喺中環舉行「華燈閃爍耀香江」大型傳統紮作花燈展覽，搵咗在囚青年同醫... 詳情

英文跟不上 廣東話用字遭取笑 獲獎新移民生：適應語言最難

【明報專訊】新移民學生往往因語言問題等而感學習困難，兩名清貧學生克服種種障礙，升讀本地大學並獲得獎學金。得獎學生李浩洋來港後努力適應，也受過... 詳情