天耀假日墟市 領展政府開綠燈

【明報專訊】近年唔少民間團體都建議政府喺合適地方搞墟市，當中天水圍天耀街市舊年關閉之後，天耀邨一帶嘅居民需要「跨邨」去買餸。民間團體「元朗農墟有限公司」早排向房署提交建議書，提出喺天耀邨「露天劇場」搞假日墟市，售賣蔬果、凍肉同乾貨等。不過天耀邨「露天劇場」屬於房委會同領展共同擁有嘅公用空間，所以申請需要得到雙方同意。

運房局噚日向立法會提交文件，話經過諮詢業主同地政總署之後，雙方都表示假日墟市係臨時性質，唔反對呢個建議，即係「開綠燈」；令天耀墟市有望成為本港第一個喺領展業權範圍內嘅墟市。房署話，申請團體需要向食環署申請牌照，同埋要負責管理墟市嘅運作，由於申請團體係慈善團體，房委會將會以「優惠價」而非市場價釐定場地費用。

根據元朗農墟有限公司今年2月提交元朗區議會嘅計劃書，「天耀墟市」預料最快今年中舉辦，為期15周，墟市逢周日朝7晚5，一共有20個檔攤，包括10個蔬果檔，凍肉同乾貨就各有5檔。

更多港聞

建制派飯局 CY大談大灣區

【明報專訊】特首梁振英（CY）即將卸任，建制派立法會議員噚日就喺灣仔一高級會所宴請CY，特首辦主任邱騰華同特別助理邱萍菲都有出席。不過超過2... 詳情

「AO狗仔隊」所涉公帑 許智峯要政府交代

【明報專訊】近年每當立法會審議重大法案時，政府都會派出俗稱「狗仔隊」嘅政務主任睇實議員出入，點算人數，防止投票甩轆。民主黨立法會議員許智峯（... 詳情