一帶一路獎學金 惠及大馬泰國
[2017.04.19] 發表
【明報專訊】教育局長吳克儉噚日出席政府獎學基金同自資專上教育基金獎學金頒獎典禮時，特別提到政府獎學基金喺2016學年起，增設「一帶一路獎學金—印尼」，以吸引傑出印尼學生來港升學。佢特別多謝中華廠商聯合會慷慨捐助助學金，又話今個學年起亦將會推出兩個以私人捐款設立嘅「一帶一路」獎學金計劃，畀來自馬來西亞同泰國嘅學生來港讀書；佢喺未來兩個月任期，亦會盡最大努力進一步同越南、緬甸落實相關合作協議。
今個學年至今，有超過6400名學生喺上述兩項基金下獲獎，包括約5900個本地生同近510個非本地學生，佢哋共得到最少1.46億元獎學金。吳克儉話，希望得獎學生可以將交流經驗同學習成果與其他人分享，令社會更共融，充滿正能量，發熱同發光。
更多港聞
相關新聞
