民協阿基啟明 擬戰九西補選
[2017.04.11] 發表
【明報專訊】青年新政游蕙禎及梁頌恆於上年宣誓風波後被褫奪議員資格，兩個議席懸空至今，雖然政府仲未公布幾時會舉行新界東同九龍西嘅補選，但各政黨已蠢蠢欲動，其中喺立法會無晒議席嘅民協，有意喺九龍西捲土重來，民協主席施德來證實，去年參戰「超級區議會」嘅何啟明，以及轉戰新界西失敗嘅馮檢基，都已向黨表態有意出戰九龍西補選。
施德來話，民協月底會開中委會，相信屆時會討論搞黨內初選問題，包括用咩方式等。除咗民協，民主黨、公民黨都有意派人出戰九西，施德來話早前負責泛民選舉協調嘅民主動力，早前都有問及民協有無意思參與泛民初選，但目前仲未收到回覆。
建制派方面，目前主要民建聯最想派人參選，預料由油尖旺區議會主席葉傲冬及深水埗區議員鄭泳舜之爭，但目前未公布結果。據聞黨內最終決定，知結果嘅只得黨主席李慧琼、前主席譚耀宗及會務顧問溫嘉旋3人，讀者想知咩人參選，相信仲要等吓。
更多港聞
被欺凌家貧讀障 合研「腎虧監察器」 弱勢四人組奪學生發明獎
【明報專訊】他們4人一組，有曾被欺凌的，有家貧的，有患有讀寫障礙的；然而，他們亦分別懂得編寫手機應用程式、編程、焊接，也有擅長「搞氣氛」，他... 詳情
【明報專訊】浸會大學國際作家工作坊邀請了著名馬來西亞華文作家黎紫書擔任該校的「駐校作家」，她將駐校約一個月，參與公開講座、聚談、小說創作坊等...
詳情
相關新聞
