林鄭大讚一夜爆紅 拍片撐薯片 羅永聰：阿sir睇留言落淚

財政司長前政助羅永聰憶述，曾俊華喺準備宣布參選當日揸住電話睇網友留言，「掃吓掃吓，就喊咗出嚟」。阿聰話「多謝阿sir參選，佢畀咗機會我哋去發一個夢」。（曾俊華facebook片段撮圖）

【明報專訊】喺前晚電子傳媒舉辦嘅特首選舉論壇上，候選人林鄭月娥大讚對手曾俊華嘅前政治助理羅永聰「非常叻」，更公開「挖角」，話如果自己當選，不如搵阿聰加入團隊。阿聰噚日就立即現身為「阿sir」(曾俊華)打氣，仲透露阿sir喺宣布參選嘅造勢大會當日，睇網上留言時喊咗出嚟。

話「老闆」接納意見 有心變革

曾俊華嘅facebook噚日上載《羅永聰 X 曾俊華 拍住上》短片，阿聰用「阿sir」稱呼曾俊華，讚薯片願意接受意見，所以喺準備選舉論壇時，阿sir係「任鬧唔嬲」。

阿聰話，阿sir係接納意見嘅「老闆」，係一個有心要變革嘅人，但阿sir亦明白變革要耐性、時間，否則只會失敗。

阿聰話，選舉過程中令曾俊華最開心嘅，係感受到市民嘅支持及認同。阿聰憶述，喺準備宣布參選當日，佢畀咗個電話阿sir睇，曾俊華自己坐埋一角睇網民留言，「揸住個電話一路掃一路掃，掃吓掃吓，(曾俊華)就喊咗出嚟」，阿聰話呢一幕反映咗曾俊華感受到香港人對佢有好大期望，以及當中嘅溫暖。

片段最後仲有「彩蛋」，被問3月26日選舉後會做咩？阿聰話：「佢(曾俊華)當選吖嘛你講緊，佢當選，咁梗係我要繼續幫佢啦。」

更多港聞

話特首辯論精彩 曾鈺成：好睇過特朗普希拉里

【明報專訊】民主黨前主席劉慧卿主持網台節目《議會內外》，不時邀得政界人士同佢暢談政事，好似噚日就請咗立法會前主席曾鈺成做訪問，今日又再邀得特... 詳情

達明盧冠廷郵輪開騷

【明報專訊】郵輪旅遊愈嚟愈多噱頭，「皇家加勒比國際遊輪」第三年以香港為母港，7月起同本地旅行社合作推出多款主題郵輪團，例如越南團分別請咗盧冠... 詳情

理大共享工作空間 創業團隊免費用1年

【明報專訊】理工大學噚日成立創新協作空間「InnoHub」，呢個2000平方呎嘅共享工作空間，同時可為40個創業團隊提供免費流動式辦公座位同... 詳情

迪士尼會員優惠 朋友入場減200元

【明報專訊】香港迪士尼樂園將推出「好友同行」會員優惠，即日起至7月14日，會員帶埋朋友入場，每個賓客入場389元，較標準收費嘅589元少20... 詳情

民建聯辦微電影創作賽 冠軍有4000元

【明報專訊】今年係回歸20周年，亦係民建聯踏入25周年，民建聯就舉辦微電影創作比賽，希望將香港民生同社會變遷，以「回歸正能量．銀禧創新天」嘅... 詳情