【明報專訊】青年新政前成員、黃埔西區議員鄺葆賢(圖)噚日出席電台節目時，回應前黨友梁頌恆同游蕙禎鬧出嘅宣誓風波，佢話事件發展成大風波，並唔係兩人可以控制，往後更有傳媒同群眾批鬥兩人，令佢覺得「呢個已唔係熟悉嘅香港」。鄺葆賢話唔信梁游係「鬼」或劇本之一，否則二人就唔會將自己搞得咁狼狽。 唔信梁游係鬼 鄺葆賢噚日喺商台節目《在晴朗的一天出發》中，被問到有無覺得梁游二人「累街坊」，佢認為有啲事係「莫須有」，有啲事永遠可以做好一啲、處理得更精明，認為其他人唔應該只批評而唔協助，因只會令佢哋更孤立無援。 鄺葆賢又話，梁游二人有做得唔啱、唔夠好嘅事情，但又未必係因為做得唔啱，就發生其後嘅事件，大家唔適合將兩人變成事件嘅「因」。被問到二人做得唔啱嘅事係咩，鄺葆賢話，「可以解釋好啲、用字諗得清楚啲，善後如何同公眾解釋，搵人返嚟幫手可以做得好啲。」
|
| |
| |
;){kind=small}
