周永勤退出自由黨 感謝田少支持

周永勤退出自由黨感謝田少支持

[2016.12.13] 發表

【明報專訊】今年9月立法會選舉中，聲稱因受威脅而棄選嘅自由黨成員周永勤宣布退黨。周永勤噚日喺社交網站公開給予榮譽主席田北俊信件，話即時脫離自由黨，指自己不願再躋身於立場「搖擺不定，看風駛舵」嘅政治團體。佢又指有新任行政會議成員多番透過中間人游說佢自行退黨，而最近公開表態有意晉身全國政協嘅黨魁，拒絕為佢嘅議員辦事處續約，指事件背後嘅動機「路人皆見」。儘管如此，佢都「衷心祝福各人早日得償所願，飛黃騰達」。

對於被指搵中間人勸退周永勤，黨主席張宇人無正面回應，只係話黨開過會討論點樣處理佢退選，佢當時唔在場，又突然語帶感慨，話做人應該好來好去，自己覺得同個黨立場唔同咪自己退出，又話佢永遠「過得人過得自己」，人哋鍾意講乜咪由得佢講。

黨魁鍾國斌就話周永勤喺選舉期間退選，但無向黨清楚交代事件，故自由黨已經凍結佢黨籍，所以無為佢嘅辦事處續約。

周永勤公開信件，話自從被迫棄選後，黨友李梓敬表示4名自由黨新任立法會議員，將透過權力及特權法，徹查有權勢以不公義手法干預選舉進行，令佢感到萬分安慰。佢又感謝榮譽主席田北俊對佢嘅支持及「義無反顧的敢言說真話」，若田北俊參加新界東立會補選，會義無反顧為佢拉票，期望助佢重返議會，「代表良知發聲」。

更多港聞