【明報專訊】政壇呢個星期真係熱鬧，大家都等待各路熱門人物宣布參選特首，而無話過唔選嘅立法會前主席曾鈺成，噚日就喺facebook話，大清早「去西環打招呼，反應非常正面」。曾鈺成都係玩幽默，其實佢係同接棒嘅立法會議員張國鈞朝早落區，陪吓街坊晨運，仲喺堅尼地城嘅公園攀爬架做引體上升，證明「去堅尼地但落區唔離地」！ 落區探街坊 玩引體上升 有網友就留言講笑問曾鈺成，中聯辦有無向佢開綠燈，又問佢有無見到西環「小明」。 曾鈺成噚日喺報章am730嘅專欄，以陳、鄧兩個虛構人物對話講「何故翻船」故事，二人談論「CY」點解唔做，係咪被中央逼退云云。然後講到去曾經話唔會參選特首嘅「林鄭」，其中阿鄧話𠵱家情况發生重大變化，林鄭應該當仁不讓，仲話以佢嘅忠誠和能力，中央同港人有目共睹。「而且，梁班子裡的人一定很樂意轉過來幫林鄭」。不過，阿陳就話中有骨回應，「如果我是林鄭，我可不敢讓剛把CY的船弄翻了的人爬上我的船」。
|
| |
| |
;){kind=small}
