【明報專訊】民建聯立法會議員葛珮帆(EQ)喺上月底收到封收信地址係「香港国金鐘立法会大樓」嘅信，搞到要向郵政署長投訴；點知噚日晏晝4點幾，佢嘅辦事處職員打開其中一封信，即時臭氣熏天，原來內裏係張白信紙夾住疑似糞便，信紙上就乜都無寫，職員報警處理。 根據葛珮帆提供圖片，探員戴上手套小心翼翼咁檢查封信。EQ同Emily講，事件中兩個職員都感到好惡心，亦擔心陸續有嚟，強烈譴責事件，警方將案件列作求警協助處理，暫時無人被捕。 EQ兩個月前亦收到一封有可疑粉末及辱罵字句嘅恐嚇信，好彩粉末只係麵粉；上月底又有自稱「香港台灣靖國神社崇敬奉贊會會長」寄信畀佢，收信地址寫住「香港国金鐘立法会大樓」，EQ認為地址明顯違反《基本法》，質疑郵政署唔夠政治敏感，去信郵政署長投訴。
|
| |
| |
;){kind=small}
