【明報專訊】政協常委唐英年近日去咗上海，因為要處理講述佢爸爸唐翔千生平嘅《唐翔千傳》簡體字版書出版嘅事，同埋參加座談會。唐唐話，爸爸同佢講過，事業再成功、財富再多，都不足以使人滿足快樂，所以為社會做啲事，擔任公職，發展慈善。

佢話爸爸早於上世紀七八十年代就捐錢畀大學及慈善機構，仲有投放近30年心血大力發展上海唐君遠教育基金(唐君遠為唐翔千之父)，為家鄉嘅教育同公益事務作貢獻。

唐唐話其父素來低調，無想過要為自己立傳，喺基金朋友游說下先肯出版呢本書。唐唐話呢本書對唐氏一族嚟講，好似一本家譜和家書。唐唐今次去上海，細女嘉慧都跟住去幫手，咁就真係有傳承意義。