警總集會 朱凱廸不忘籲環保中秋

朱凱廸噚日出席「停止一切威嚇維護土地公義」集會，特登手揸一支有「我唔再玩熒光棒」咪牌嘅道具假咪，話唔會因為驚而咩都唔做，要提大家中秋都要環保。（楊柏賢攝）

【明報專訊】立法會選舉餘波未了，其中因死亡恐嚇受警方保護嘅新界西「票王」朱凱廸有家歸不得，令人擔心，但佢噚日出席喺灣仔警察總部舉行嘅「停止一切威嚇維護土地公義」集會時，仍然不忘本業，提提大家嚟緊中秋為保護地球，唔好再玩熒光棒。

拎實「唔玩熒光棒」道具咪

朱凱廸發言時已經要手揸兩支咪，但佢話一定要拎埋支有「我唔再玩熒光棒」咪牌嘅道具假咪﹕「我唔會因為驚而咩都唔做，我係第一個進入立法會嘅環保運動參與者，所以我要繼續參與我嘅工作！」近3個鐘嘅集會，朱凱廸都無放低過呢支道具咪，時而高舉擺「自由女神甫士」、時而放喺胸前方便記者影佢相時可攝埋支咪入鏡，就連接受傳媒訪問時都唔放過，支咪好搶鏡，畫面因為咁變得好有童真。

環保組織「結束一桶專棄」就喺facebook爆內情，上載一張WhatsApp截圖，顯示朱凱廸原來事前向其中一名成員日青，提出要搞個行動反對熒光棒，搞到日青忍唔住輸入3個震驚公仔，反問「竟然是你問我唔係我問你？！」

話說日青噚日見到新民黨元朗區議員王威信喺元朗搞中秋燈謎有獎遊戲，並送贈熒光棒手帶，激發佢哋搞反對用熒光棒行動，連夜晚去錦上路謝票都不忘宣傳，唔少人都大表佩服。

更多港聞

城大研發人造樹葉 吸二氧化碳變燃料

【明報專訊】二氧化碳導致全球暖化，但原來都可以創造經濟效益，香港城市大學最近研發咗一款專吸二氧化碳嘅人造樹葉，透過化學作用可以轉化成燃料，仲... 詳情

科技園新CEO﹕喺香港搞科研似唐吉訶德

【明報專訊】今年2月1日先至加盟科技園出任首席企業發展總裁嘅黃克強（Albert），8月1起更上一層樓，由前行政總裁馬錦星手中接棒，成為科技... 詳情

新地單車慈善賽 郭基煇落場

【明報專訊】旅遊發展局主辦嘅單車節將於本月25日舉行，到時單車參加者可以踩單車駛經青馬大橋等地。冠名及慈善贊助單位噚日率先搞咗個單車慈善比賽... 詳情

奧數港隊首入前十 唯一女將﹕愛琴棋更愛解數

【明報專訊】香港中學生喺國際數學奧林匹克大賽向來成績唔錯，喺今年7月香港主場舉辦嘅比賽中，港隊勇奪三金兩銀一銅，首次躋身十強，喺109支隊伍... 詳情

校長：學習首重自我比較 小學功課因材分難度

【明報專訊】福建中學附屬學校希望學生可愉快而有效學習，校長徐區懿華認為傳統測試有其缺陷，故新學年在小一至小四減少紙筆測試，推行進展性評估，教... 詳情