曼市雙雄會 新帥新氣象
曼聯．摩帥隱見費Sir神髓
說到摩連奴教曼聯，很多人最初想法(也許到今日仍維持這想法)是，摩佬重守、紅魔重攻，唔係好啱key喎！事實上，經過3場聯賽，曼聯確為失球最少的一隊。再仔細些，上屆謝幕戰主場3：1贏般尼茅夫，以及今屆首仗作客贏3：1，同樣嘅對手，同樣嘅比數，當中卻存在反映摩佬重守的巨大差異。
計算球員平均位置，上季一戰有7人位處般茅半場，今次銳減至3人；計算搶回控球權的平均位置，去屆距離己方底線37米，此番大幅退到離底線25米——結論是，尹氏曼聯喜歡高位壓迫，摩佬一如以往習慣縮後嚟踢，十分正常。控球率由66.3%降至52.6%，又是摩佬典型；傳球總數由677次跌到560次，但後場傳球反而多了52次，理應比尹戈爾哲學更沉悶吧？
不過實際觀感似乎有異，原因之一為現今紅魔踢得較直接，尤其注重兩翼傳中，路爾斯華倫西亞不必限死慣性落底扣番轉頭繼續悶搓，他的瘋狂助攻頓成亮點。今屆未至於莫耶斯的九九八十一斬，但首3仗生波傳中總數53，而上屆最後3仗僅29次。回顧費Sir年代，總不乏舒寧咸、雲尼斯達萊等擅長接應傳中頭攻的正宗中鋒；今季找來伊巴謙莫域，讓曼迷尋回那些年的美好回憶。
當然下下斬畀伊巴謙都唔係辦法，所以摩佬給「雙防中」保羅普巴與費蘭尼殺入禁區的自由，分散敵衛佈防和注意力。問題來了。過去摩佬無論執教哪隊，都有專人擅長硬朗(或聰明)搶截、很具戰術紀律地保護防線，但現在普巴屬較傾向進攻的box-to-box，爆炸頭相對墮得稍後，縱使他位置感略見改善，整體防守意識仍存隱憂，特別是面對曼城大衛施華與奇雲迪布尼這類頂尖10號，隨時自爆。
季初不止一次看到勞基梳爾眼見蛾眉月對出空位太多，被迫衝前標波，既影響防線組織，也留下身後漏洞，一旦安東尼馬迪爾沒有做足補位功夫便會出事。是的，紅魔運作上趨向4-4-1-1的陣式，最大犧牲者或許是馬迪爾，除了必須回防，也要比去年退後至少15碼展開推進。先別說豪門球會最難搞和摩佬最不擅長的人事管理，單就戰術磨合平衡而言，紅魔欲重奪錦標，大抵也比想像中艱辛。
