橋唔怕舊 CY同青年滅罪大使玩自拍

[2016.08.12] 發表

【明報專訊】橋唔怕舊，特首梁振英(CY)噚日又喺facebook上載同年輕人一齊玩自拍嘅相，展現親民形象。佢噚日喺禮賓府接見22個青年滅罪大使，佢哋今個月會去到荷蘭交流8日，探訪當地警務人員同青少年團體。

CY話，希望青年人把握難得機會，代表香港同當地年輕人、警務人員建立友誼，了解當地文化，擴闊視野。不過睇番香港嘅警民關係惡化，唔知CY又有無諗過點解決？CY又提到，香港係世界上最安全城市之一，今年上半年香港整體罪案數字同青少年罪案都較去年同期顯著下跌。

講番22個青年滅罪大使，其實係喺今年「恒生銀行之協助警方撲滅青少年罪行比賽」30幾萬人次嘅參賽者中脫穎而出，真係可喜可賀。

更多港聞