嫻姐曬舊參選單張 笑稱形象似游蕙禎
[2016.06.30] 發表
【明報專訊】工聯會立法會議員陳婉嫻2008年後無做議員，2012年就循「超級區議會」界別重返議會，今年9月又再選舉，但年近70歲嘅嫻姐就表明自己百分百唔會再參選喇，相信亦唔會幫工聯會成員「抬轎」排第二。從政近30年，經歷過多場選舉，嫻姐話最近整理office時搵到自己當年嘅參選單張，仲話自己一直做番自己，始終如一。
睇番當年嫻姐嘅參選政綱，其實佢都走得好前，佢1991年參選立法局時，選舉單張已經寫明要爭取盡快落實一人一票嘅普選；勞工議題上又要求撤銷輸入外勞呢個政策，當時未回歸，嫻姐已經關心中港問題。睇番嫻姐嘅選舉單張，可見嫻姐個樣都無乜變，最大轉變都係髮型，唔似現時唔少參選人，單張隨時執到自己唔同晒。近日青年新政嘅游蕙禎喺地區掛起橫額力sell青春，嫻姐就笑言自己當年都有類似形象！
嫻姐一直關注土地、社區規劃，佢就透露有學者知佢唔再參選，游說佢一齊籌組政黨專研究有關議題，嫻姐就話自己可以參與研究，但對要一齊籌組政黨就耍手擰頭喇。
更多港聞
社交機械人 教自閉童溝通 訓練用手勢表達嬲驚煩餓
【明報專訊】自閉症兒童普遍有溝通和社交障礙，尤其在非語言溝通上。香港中文大學首次引入社交機械人，協助教導自閉症兒童辨認手勢及以手勢傳達需要和... 詳情
【明報專訊】中大工程學院將於7月5至8日為中學生舉行夏令營，行程包括參觀全港首個氣候變化博物館、不同主題的工程實驗室（包括天石機器人研究所）...
詳情
相關新聞
