入波愈夜愈有機
賽制鼓勵泊大巴
[2016.06.20] 發表
肯肯定係同黎明有關。講緊今屆歐國盃，愈夜愈有機，愈近完場愈多入球，達到瘋癲程度。當然，所謂不正常，可能真是偶然出現的黑天鵝，但也可能是未來將持續發生的必然結果；倘為後者，那就值得思考原因，哪怕一切思考均純屬馬後炮。
大部分現象的形式原因都不止一個，有核心外圍，有核心內圍，今屆的上半場頻開0﹕0亦不例外，其中增加隊數至24隊恐怕脫不了干係。柏高不是指傳統弱旅濫竽充數拖低水準，問題為24隊這數目所帶來的賽制，每組第3名也有三分之二機會出線。根據模擬運算，打和全部3場分組賽，便有大約87％機會晉級，畀着你係下風球隊會點揀？除非已經落後，否則沒有搶攻的誘因，頭2輪分組賽更是安全至上。
上半場後防集中力高難犯錯
正如曉明sir昨天專欄指出，泊大巴一直存在，尤其在相同洲份的決賽周更有效。在足球愈見戰術化、連習慣主攻的勁旅亦加倍重視反擊的今天，大巴威力只會趨強，因為大巴結構會愈緊密愈有組織；而首45分鐘球員體力和精神力仍維持高峰，後衛走甩對手的可能性較低。柏高沒有花時間仔細統計，但印象中今屆上半場的入球大多來自死球或嚴重的個人失誤，惟此方有機會偷雞早開紀錄。
今屆賽事距離歐洲球季結束日子太近也在幫倒忙，並以(名義上的)強隊最受影響，君不見法國陣式換完又翻兜，英格蘭大同小異，就算西班牙亦要到第2仗才真正適應復用真9號。
提到真9號，換言之有偽9號，但係有頭髮邊個想做癩痢。核心內圍因素正是歐洲具頂尖質素/級數的中鋒買少見少，偏偏這些少數族裔資源錯配，羅拔利雲度夫斯基在波蘭缺乏供應，被迫用無鋒陣的德國不知幾想羅拔仔係日耳曼人；瑞典更加唔好提，可憐伊巴謙莫域……。
法國和英軍都好彩，起碼正選消耗完對手體力和意志後，板櫈上仍有質素相若的後備可換入起效用。期望由第3輪分組賽開始，入波時間會推前吧。
更多體育一
比比發脾氣，大家都見過，真係見過！不過英格蘭名宿舒利亞未驚過，更希望和比比踢波。舒利亞分享作戰大計：「我會扯衣服、踩腳、耳語，總之令他『爆煲...
詳情
相關新聞
