黃子恆甘願為裕美承擔 拍片稱女方與老公分開涉家暴

黃子恆甘願為裕美承擔拍片稱女方與老公分開涉家暴

[2016.06.20] 發表

【明報專訊】無綫藝員黃子恆與人妻裕美傳緋聞，因而捲入裕美與老公林恩浩的離婚風波，事件愈鬧愈複雜，傳有人疑遭家暴。林恩浩則效法裕美拍片稱「被離婚」，兼挑機叫「黃生」如果鍾意裕美就認。前晚黃子恆被傳媒追訪時，指裕美跟他說已跟老公分開，並預告同樣會拍片作詳細交代。

「我的確有錯失」

終於昨午3時許，黃子恆在Instagram上載兩段影片，透露裕美大半年前跟老公分開及搬到朋友家住，他聽到當中涉及家暴，他想保護及支持裕美。他自知有錯失的地方，願意承擔。他穿著淺藍色恤衫，說話全文：「連日嚟關於我嘅報道，令好多人擔心我，好對唔住。我大半年前喺公司認識裕美，從佢口中得知佢同老公分開咗，喺朋友屋企住，當中牽涉一啲家暴問題。當時佢唔敢同人傾訴，我了解佢嘅處境之後，好想保護佢、支持佢。而事情發展到呢步，我知道已經影響咗公司、影響到其他人，若然公司就此事對我有任何處分，我甘願承擔，一人做事一人當，而外界對我嘅任何批評我都甘願接受。喺整件事入面，我的確有錯失嘅地方，就係無清楚了解佢同佢先生嘅關係清楚咗未。裕美係一個好善良嘅女仔，我唔希望他日見佢仍活喺陰霾之下，而係開心、愉快、安穩咁生活嘅一個女仔。」

娛樂組

■更多娛樂猛料 ﹕ol.mingpao.com