兩個「正義聯盟黨」法院外對陣 邊撐警邊罵李偲嫣

當七警噚日行入法院後，呢一邊嘅示威者就開始將口號由「支持七警」變成「打倒李偲嫣」，鬧爆呢個「正義聯盟黨」創黨主席。（鄧宗弘攝）

面對「黨友」鬧爆，李偲嫣（第二排中）呢邊無開咪回應，不過就派咗一份《李偲嫣被誣陷「騙財虧空」真相大披露》畀Emily。（鄧宗弘攝）

【明報專訊】萬眾期待嘅七警案噚日開審，晨咁早去到法庭嘅，除咗要攞籌聽審嘅Emily同一班行家，仲有兩批同樣舉住「正義聯盟黨」旗嘅撐警人士。點解話係兩批？事關佢哋雖然旗號一樣，但就分別企喺法院門口兩邊嘅示威區，似乎唔多似係「黨友」。當七警行入法院時，佢哋都仲會一齊嗌吓口號，但當七警入咗去之後，一邊嘅示威者就將口號由「支持七警」變成「打倒李偲嫣」，鬧爆呢個「正義聯盟黨」創黨主席「唔係女神係女神棍」、「專呃人錢」、「老千」等。

李陣營派《被誣陷真相》

噚日偲嫣嗰邊就無開咪回應，迅速執嘢走人，不過就派咗一份17頁厚嘅《李偲嫣被誣陷「騙財虧空」真相大披露》畀Emily，不過當中有12頁其實都係佢參與「社會服務工作」嘅「威水史」。

「正義聯盟黨」內訌唔係噚日先出現。今年3月時聲稱係該黨副主席嘅蔡克健同岑浩賓，曾經開記者會指控偲嫣虧空公款同欠債不還，要開除偲嫣黨主席同黨籍。偲嫣第二日開記者會反擊，話自己無欠人咁多錢，強調佢先係 「正義聯盟有限公司」大股東，堅持自己依然係「正義聯盟黨」主席。究竟兩個「正義聯盟黨」邊個真邊個假？Emily就真係望唔透喇。

更多港聞

「有個大Project」 樹根fb籲捐錢

【明報專訊】立法會選舉9月舉行，摩拳擦掌嘅鍾樹根噚日喺fb發文，呼籲市民寄支票捐錢畀佢，表明「有個大Project要做」。樹根仲喺模擬支票上... 詳情

星戰小影迷 兩歲起捧場

【明報專訊】《星球大戰》係唔少影迷心目中嘅經典，香港迪士尼樂園由今個月11日起，設立新園區「星球大戰：入侵明日世界」，其中遊樂設施「飛越太空... 詳情

新同盟製「特事特辦」行李牌籌款

【明報專訊】六四晚會、七一遊行都係泛民政黨籌款時機，今年係選舉年，相信各泛民政團會出盡法寶吸金。新民主同盟范國威噚日就向傳媒介紹該黨嘅紀念品... 詳情

田少：自由黨盼取8席

【明報專訊】自由黨榮譽主席田北俊（田少）噚日喺立法會會議廳外，宣布正考慮同青年團主席李梓敬合組名單，喺9月立選出戰新界東，但就由李梓敬排第一... 詳情

周大福1.3億元購入最大綠鑽

【明報專訊】佳士得前日拍賣一枚配有全球最大天然鮮彩綠鑽The Aurora Green嘅鑽石戒指，以1.3億港元成交，創下綠鑽嘅成交紀錄，呢... 詳情