CY fb祝母親節快樂 粉絲：嬲親正衰仔

梁振英噚日喺fb上載一張花相，留言「祝全香港的母親：母親節快樂。」截至噚晚8點有逾8000人畀咗「嬲嬲」符號，畀like嘅都有2000幾人，當中包括教育局長吳克儉。（CY Leung facebook圖片）

【明報專訊】立法會選舉前嘅母親節，各黨派議員都好忙，分別喺所屬選區向街坊派花應節，接觸一下選民，好似工聯會黃國健除咗派禮品，仲搞頌親恩電影欣賞會。公民黨楊岳橋就賣溫情，喺fb上載一張握着103歲外婆手嘅相片，感激婆婆照顧，「見面不用多言，握一握手，就像小時候她拖著我一樣就夠」。經民聯梁美芬就拍柔情短片，話全職工作母親或家庭主婦同樣值得尊敬。

收越洋果籃 葉劉曬幸福

新民黨葉劉淑儀嘅囡囡留學，今年唔可以陪佢過母親節，但葉太就喺fb曬幸福，話囡囡好有心，越洋訂咗一個果籃送到立法會畀佢。葉太話果籃上面鋪滿朱古力，大概係因為囡囡記得佢喜歡吃，「女兒這份遠渡重洋的心意，吃下去，特別甜在心頭」。

民建聯婦女事務委員會噚日就去咗政府總部請願，要求政府推行鼓勵生育政策，提供有利環境及家庭支援措施以鼓勵生育，提高生育率。佢哋提出包括研究資助輔助生育服務、延長產假及侍產假，以及全面推動及支援母乳餵哺等。

特首梁振英(CY)都出post祝大家母親節快樂，仍換來唔少「嬲嬲」符號，但都有唔少人畀like，包括教育局長吳克儉及多名副局長、政助。有CY支持者就留言：「連母親養大你都嬲，嬲親正衰仔！」

更多港聞

團體促逸東邨設臨時街市

【明報專訊】東涌一直有「買餸難」嘅問題，有街坊話，喺領展旗下逸東街市買到嘅一餐餸價錢，等於荃灣楊屋道街市兩餐，逸東街市月中起裝修3個月，街市... 詳情

讚猛人無私奉獻 沈祖堯籲學生懷抱大我

【明報專訊】不時勸學生追夢嘅中大校長沈祖堯，新網誌提到佢上星期去日內瓦擔任國際獎項嘅評審團，令佢大開眼界。沈校長話其他評審成員已經好猛料，有... 詳情

教院升格改校徽 似現有設計

【明報專訊】香港教育學院獲准正名大學，上月拋出5款新校徽logo諮詢師生校友意見，大家反應都算踴躍， 有5307人投票，而反應都幾一面倒，喺... 詳情

赤貧「孤兒」與林鄭度母親節

【明報專訊】政務司長林鄭月娥成日話，半山嘅官邸地方大，囝囝又唔喺香港，會感到孤單；不過司長官邸噚日就好熱鬧，好多人同佢一齊過母親節。香港社區... 詳情

知專時裝館藏戴妃晚裝 新設演藝造型文憑

【明報專訊】知專設計學院新開辦的演藝造型設計高級文憑課程，讓學生專門學習舞台服裝製作及舞台化妝髮型等。該校曾有時裝課程畢業生在迪士尼樂園為演... 詳情