岳少批政治綁架 杜琪峯：佢畀錢拍 唔喺拍電影㗎嘛
[2016.04.06] 發表
【明報專訊】獨立電影《十年》獲本屆香港電影金像獎最佳電影後，一直備受爭議，著名導演杜琪峯(杜sir)噚晚出席完佢有份監製嘅電影《樹大招風》首映禮後話，以往都唔評論獲獎電影，但見到今年「好有熱情」，所以都講吓。佢認為創作需要自由，唔應該有束縛，每個地方都有感情，感情如果被壓迫，只會變得愈澎湃，既然評審投票選出電影獲獎，大家應該接受結果。
「係我咁好嘅老闆我都要講」
林建岳早前以電影投資者身分評價《十年》，認為電影得獎係政治綁架咗專業，將電影評獎活動政治化，杜sir被問到呢件事，佢話「林建岳唔係拍電影㗎嘛，佢係畀錢拍電影㗎嘛」，圈中多名資深導演、製作人都唔敢騎劫金像獎，「我唔參加唔係代表我唔知，你唔好當我懵」。
在場又有記者問到有人批評《十年》喺其他獎項中無提名，無資格獲最佳電影獎，杜sir話「邊個講？喺咪圈中人先？」記者就話林建岳、黃百鳴都有份講，杜sir就話「試問講嗰個人個背景係咩先，請大家睇吓佢係咪公道先，即使林建岳係我咁好嘅老闆我都要講，因為呢個係電影嘅自尊，如果咁，即係侮辱我哋啫」。
更多港聞
【明報專訊】港大法律系副教授戴耀廷早前提出「雷動計劃」，叫泛民協調爭取立法會過半數議席，不過泛民反應唔太熱烈，唯一明確表態支持計劃嘅民協，主...
詳情
【明報專訊】港台4月2日凌晨接手亞視模擬頻譜，但由港台主持麥嘉緯出鏡嘅宣傳片，提及「唔想做港豬，揀港台電視31」，就畀市民投訴「港豬」一詞有...
詳情
46%小學教師工作不快樂 調查：融合教育校外評核TSA最不受歡迎
【明報專訊】教聯會調查發現，八成小學教師每周工作51小時或以上，超過八成半感到工作壓力大。以0至10分自評工作的快樂程度，教師平均評分為4.... 詳情相關新聞
