【明報專訊】中澳法學交流基金會主席、民建聯嘅馬恩國噚日出席港台節目《城市論壇》講關於《學苑》提出港獨訴求嘅文章。馬大律師話，要有可能性先至可以討論港獨，人大唔會容許討論港獨問題。 「係中國人就明白國土完整幾緊要」 佢話以前獨立唔係傾出嚟嘅就係打出嚟，傾出嚟嘅就有新加坡；又話香港係無軍人嘅，指住觀眾席嘅學生問，「你哋學生係咪肯出嚟同解放軍決一死戰？」，「如果你係中國人，你就會明白國土完整、國家統一對我哋嘅民族係幾緊要」。 另一出席者、公民黨副主席陳淑莊聽完就問，「唔好介意呀，你究竟係澳洲人定中國人？」馬恩國一聽到咁問，即刻收起火氣，隔咗幾秒先答「私人問題」。 馬﹕私人問題 劉以正﹕中人欲嘔 港大學生會刊物《學苑》前總編輯劉以正就隨即話﹕「呢句說話喺一個揸住澳洲護照嘅人口中講出嚟，係中人欲嘔。」劉以正認為，𠵱家最重要係令更多人了解，香港必須處理2047嘅「第二次前途問題」。 其間喺電視冇直播時，主持人蘇敬恒都有問馬恩國究竟係咪澳洲籍，馬就答「移民咗去澳洲嘅中國人一樣都係咁愛國」。
|
| |
| |
;){kind=small}
