劉鳴煒唔識簡體字 自詡普通話準過唔少港人
[2016.03.14] 發表
【明報專訊】青年事務委員會主席劉鳴煒頻頻同年輕人交流，對社會上教育議題都略知一二，Emily日前訪問佢，都有問吓佢對普通話教中文，以及教育局課程諮詢提出學習簡體字嘅議題，而劉鳴煒斬釘截鐵話「我唔識簡體字」，但就自認普通話發音比唔少港人準確喎。
讀書時學校禁講廣東話
鳴煒話，佢細個時讀國際學校，校方當年只准學生講英文或普通話，如果講廣東話會被罰留堂，佢話今時今日講本土，呢啲校規會被人鬧死。不過，就係因為咁，佢就練習到普通話，發音比較準，話畢生受用。但對於支唔支持普教中，佢就話先決條件係評估學習成效，如果廣東話先教得好成效，咁就唔應該妥協。同樣道理，係咪要學生學簡體字，先決條件係唔會影響到學生學好繁體字及學習進度。
更多港聞
【明報專訊】Emily唔少朋友會留意住政府幾時請人，話可能隨時執到筍工。呢幾日就有人留意到警隊請人，但唔係警察，而係合約制嘅「新媒體撰稿員」...
詳情
【明報專訊】亞視嘅免費電視牌照下月1號屆滿，59年老店或將成為歷史，亞視已故前主席邱德根個仔邱達昌，接受香港電台訪問時，就話覺得亞視𠵱家畀...
詳情
相關新聞
