紅會西九新總部開幕 CY「頻繁捐血」感驕傲

紅十字會新總部重建共籌到4億元，其中最大捐贈者邵逸夫慈善信託基金捐出約1.2億，該基金主席方逸華（中）噚日就同特首梁振英（右）及紅十字會會長楊鐵樑（左），一齊為邵逸夫嘅銅像揭幕。（李紹昌攝）

前特首曾蔭權同曾經擔任紅十字會會長嘅太太鮑笑薇，噚日參加紅十字會新總部開幕禮，但典禮後冇停低回答記者提問就離開。（李紹昌攝）

【明報專訊】香港紅十字會噚日舉行新總部開幕典禮，特首梁振英(CY)致辭時話自己一直係「頻繁捐血者」，嗰時會好驕傲咁每日戴住個滴血形狀嘅襟針。佢又話可能紅十字會覺得佢幾「順得人」、幾積極，叫佢去葛量洪醫院做heart-beat donor，捐血畀一個當日要做手術嘅病人。

CY大讚紅十字會嘅人道關懷同志願精神，好配合今屆政府扶貧、安老、助弱嘅施政，又不忘提番過去3年多，政府制訂貧窮線、長津同低收入在職家庭津貼等，福利方面嘅開支加咗40%。

煲呔伉儷出席

香港紅十字會1950年成立，金鐘舊總部運作咗超過50年，可用嘅空間已經飽和，政府批咗西九龍海庭道畀佢哋重建總部，主席羅榮生喺典禮上點名多謝時任發展局長林鄭月娥拍板批地。紅十字會為咗重建籌到4億，新總部舊年9月建成，樓高11層，設有全港最大捐血站、人道教育中心，同備有實習場地嘅急救及健康護理訓練中心等。

開幕禮星光熠熠，政務司長林鄭月娥、勞福局長張建宗、食衛局長高永文，連好少露面嘅前特首曾蔭權同太太都有出席，不過佢哋冇答記者問題就走咗。

更多港聞

湯家驊賀楊岳橋圓從政夢

【明報專訊】立法會新界東補選源於湯家驊去年退出公民黨並辭去議席，最後由公民黨楊岳橋當選。現為民主思路召集人嘅湯家驊，投票日透露無投票畀昔日嘅... 詳情

以「港人有否權利自決前程」區分 梁天琦話社民連人力非本土派

【明報專訊】本土民主前線（本民前）梁天琦噚日喺商台節目談論「本土」定義，指本土和非本土基本區分係「香港人會否有權自決前程」。唔少政黨團體都強... 詳情

陳祖光﹕只有警隊可依法以武制暴

【明報專訊】噚日警察隊員佐級協會搞咗個新春酒會，警務處長盧偉聰同公務員事務局長張雲正都有到場。大年初一晚旺角大衝突中，唔少前線警員對示威者激... 詳情

1億六合彩變10億 馬會更正

【明報專訊】1億元六合彩激發全城瘋狂落注，以求一夜發達，不過，噚日網上就流傳一張投注站告示嘅圖片，上面中文寫住「估計頭獎基金六合彩可達1億」... 詳情

建制派老竇幫促膝談湊仔

【明報專訊】新任爸爸嘅工聯會立法會議員郭偉強，前日終於接咗上月25號出世嘅阿仔返屋企，佢無請陪月，同太太一腳踢照顧囝囝。BB出世時有7磅幾，... 詳情