【明報專訊】特首梁振英前日發表施政報告，提咗「一帶一路」約40次，政務司長林鄭月娥噚日出席記者會，就被記者問及佢認唔認識一帶一路嘅國家，仲出題考佢知唔知道一帶一路國家哈薩克及烏兹別克嘅首都係咩名。 咁嘅問題唔止考起林鄭，連Emily都要做吓功課，哈薩克首都係阿斯塔納(Astana)，烏兹別克嘅首都係塔什干(Tashkent)。林鄭無正面回答記者提問，只係話無好嘅發展同經濟增長，亦改善唔到民生，所以要抓緊「十三五」規劃同一帶一路嘅契機。不過佢話記招係講「改善民生」，無理由不斷講經濟措施，仲叫記者有興趣可以搵相關司局長傾喎。 林鄭之後回答另一個記者提問時就提到自己負責嘅「與內地合作督導委員會」只會負責十三五規劃同深港合作等工作，仲話叫記者問吓前一個記者，就會知一帶一路有66個國家，一定要用另一個高層次平台督導咁話。
|
| |
| |
