音樂營示範零垃圾桶生活 三日兩夜回收逾100公斤垃圾

營地入面有兩個回收站，參加者唔會有藉口話搵唔到回收站而胡亂拋棄垃圾。（結束一桶專棄fb圖片）

舉行音樂營嘅場地有幾個食環署垃圾箱，為咗貫徹「零垃圾桶」理念，團體將寫上「自己帶走垃圾」嘅白布鋪喺垃圾箱上面。（結束一桶專棄fb圖片）

【明報專訊】零垃圾桶不是夢？fb專頁「結束一桶專棄」率先透過三日兩夜嘅音樂營活動，示範「零垃圾桶」試驗計劃，提醒參加者「自己垃圾自己帶走」，仲回收咗超過100公斤垃圾𠻹。

當眼處設回收站清洗站

呢個草民音樂營喺元旦日開始，特別之處係營地裏面冇擺放任何垃圾桶。「結束一桶專棄」團隊將兩個回收站攞喺場地最當眼處，另外有清洗站，畀參加者先將回收物簡單清洗再放入回收桶，保持回收物乾淨。

專頁發起人Celia同Emily講，發現透過分類回收，經過統計今次嘅活動已減少咗大約4至5架大垃圾車嘅垃圾棄置量。而今次活動中回收咗超過100公斤、約20大袋嘅回收物，團隊都好滿意。但係回收活動都唔係完全順利，Celia見過有人嫌分類回收麻煩，喺回收站前丟低一句「黐線」就拂袖而去，但Celia話唔介意，因為呢啲只係小眾，大部分參加者都好乖咁主動將垃圾拎到攤位分類。

佢哋仲量度咗由參加者自己拎走嘅垃圾重量，發現人均垃圾量最多只係0.6公斤，少過2014年每個港人每日平均棄置1.35公斤嘅都市固體廢物一半有多。Celia強調回收分類唔係「可做可唔做」嘅活動，希望其他活動主辦者願意仿效、畀資源搞垃圾回收。

更多港聞

Formula E下月辦賽道命名賽

【明報專訊】Formula E電動方程式大獎賽香港站今年10月殺入中環，國際汽聯代表、香港汽車會會長余錦基話，到時會喺中環海濱設觀眾席，最少... 詳情

公布92政府2015上半年索資料次數 港府去年向fb索239用戶資料

【明報專訊】唔少人鍾意喺facebook同朋友分享生活點月，fb公布2015上半年92個國家或者地區政府要求索取用戶資料嘅次數，香港特區政府... 詳情

盛事基金550萬撐「光．影．香港夜」

【明報專訊】盛事基金又有新搞作，噚日宣布預留最多550萬蚊支持「光．影．香港夜」活動。呢個活動由Association Culturelle... 詳情

3發鈔銀行 1‧27起可換新鈔

【明報專訊】距離2月8日嘅農曆大年初一仲有1個月，又係時候準備辦年貨同去銀行排隊換新銀紙封利市。金管局公布，3間發鈔銀行齊齊喺今個月27號開... 詳情