湯家驊：跟楊岳橋互不拖欠 楊：意見有別 「盡在不言中」

湯家驊喺facebook話同楊岳橋「互不拖欠，各奔前程！」佢之後同Emily解釋番話無事發生，只係感嘆自己嘅核心價值同公民黨相差太遠。（湯家驊facebook圖片）

泛民團結撐公民黨楊岳橋（右）參加新東補選，民主黨主席劉慧卿為佢站台時，主動上前跟年輕嘅楊熱情面貼面打招呼，證明卿姐同後生仔都可以打成一片。（馮凱鍵攝）

【明報專訊】立法會新界東補選2月28日(周日)舉行，早前辭職嘅公民黨前成員湯家驊(Ronny)就點名希望公民黨大律師楊岳橋出戰補選。事隔半年，已經宣布參選嘅楊岳橋日前被問到有無邀請Ronny幫手「箍票」嘅時候，話「參選前有同湯家驊打招呼，亦僅此而已」。湯家驊噚日喺facebook貼文回應，話同楊岳橋「大家互不拖欠，各奔前程」，唔知兩個係咪決裂咗呢？

湯：無事 楊：仍尊重湯

Emily噚日特地打電話向Ronny了解吓，Ronny笑言「無事發生」，但就承認自己由去年辭職開始已經無同對方聯絡，而打呢段帖文，只係覺得自己代表嘅核心價值同公民黨相差太遠，「或者楊岳橋唔需要我……我明白嘅」。Ronny又同Emily評估選情，話新界東一直都係泛民票倉，喺多人混戰下，只要民主派團結，楊岳橋仍然有好大機會勝出。

楊岳橋回應「互不拖欠」論嘅時候就話，自己無論以往、𠵱家同將來都會一直尊重Ronny，但對方喺版權修訂條例草案同高鐵一地兩檢等嘅議題，同泛民嘅主流意見有分別，一切只能「盡在不言中」。

周浩鼎出選 fb一日4帖文

另外，民建聯副主席周浩鼎噚日亦宣布出戰新東補選，佢嘅facebook專頁一日之內就出咗4個相關帖文。上年區議會選舉嘅時候，好多民建聯候選人都停用fb宣傳，唔知周浩鼎今次迎合潮流，會唔會吸引到一班網民同年輕選民投佢一票呢？

更多港聞

新思維創黨 阿狄一如所料做主席

【明報專訊】由民主黨前成員狄志遠同黃成智等人組成嘅「新思維」，噚日正式創黨，並且舉行會員大會，選出狄志遠做主席，但黃成智就只係做到28個執委... 詳情

范國威搞內地年貨團 被批雙重標準 回應：抗衡「大陸化」同入境兩回事

【明報專訊】近年香港有唔少反對內地旅客來港嘅請願或者示威，新民主同盟范國威（Gary）就曾經拖篋去尖沙嘴，要求為自由行旅客人數設上限，並且取... 詳情

懲教「超馬之王」挑戰「短途」全馬 父子檔曾奪親子跑亞軍

【明報專訊】紀律部隊人員對體能要求較高，今年懲教署派出44名懲教人員參加渣打馬拉松，各人近日經常集體環山跑訓練，希望於本月17日賽事取得佳績... 詳情

700門生祭英雄恩師 說中史如臨其境 重情義身教桃李

【明報專訊】「天地有正氣」、「做人要有情有義」，時至今日，這些義氣之言，似乎在電影或電影中才能聽見，但對聖言中學的畢業生來說，卻是恨不得良師... 詳情

時事通識教材

【明報專訊】（請看附圖） 詳情