赴法工作假期 名額400增至500
[2015.12.30] 發表
【明報專訊】好消息！政府宣布，「香港/法國工作假期計劃」每年嘅雙邊名額，明年1月1日起可以由400個增至500個。原來今次係自計劃於2013年7月成立以來第二次加名額，今年5月已由200個增至400個，反應仍佳，所以再加名額。
參加者要係18至30歲、持有有效香港特區護照或英國國民(海外)護照，而從未參與過呢個計劃嘅香港青年，成功申請者可於法國逗留唔超過12個月，其間可做短期工作，但受聘於同一僱主嘅工作時間不得超過6個月，亦可修讀為期不多於6個月嘅短期課程。有意申請者可向法國駐港澳總領事館查詢。
目前，特區政府已同10個經濟體系建立雙邊工作假期計劃安排，其餘9個為新西蘭、澳洲、愛爾蘭、德國、日本、加拿大、韓國、英國和奧地利。
更多港聞
相關新聞
