認清騙案 一哥：最後一定攞錢
[2015.08.13] 發表
【明報專訊】警務處長盧偉聰(一哥)噚日出席少年警訊嘅禁毒活動後，話近7個月電話騙案不停上升，尤其7月騙案急升。面對日新月異、層出不窮嘅騙徒手法，一哥就教精大家點樣分真假。佢話﹕「佢(騙徒)同你講到天花龍鳳都好，最後一定係問你攞錢，叫你匯錢落戶口或要你個人資料同密碼」，一哥提醒市民到最後一步要提高警覺，「正當嘅政府機構係唔會喺電話度叫你匯錢去一個不明戶口，就算你一開頭分唔到係真定假，但無論騙徒用咩方法，最後一定會叫你攞錢。」大家係咪學到嘢呢？
政務司長林鄭月娥(中)昨日都有出席活動，仲試玩射水槍，笑到見牙唔見眼。
(李紹昌攝)
更多港聞
【明報專訊】特首梁振英61歲生日期間訪問珠海，與珠海市委書記李嘉會面，雖然無論香港同內地官員都曾經話港珠澳大橋難以喺2016年底建成，但李嘉...
詳情
相關新聞
