台星戰迷擲萬元買白兵裝 亞洲逾百粉絲大巡遊

《星戰》粉絲巡遊隊伍由全亞洲最高嘅黑武士同R2-D2機械人打頭陣，尾隨4個紅衣帝國禁衛軍及數十白兵，一路向迪士尼公園美國小鎮大街列陣而行。（迪士尼提供）

參與今次巡遊嘅星戰粉絲有幾忠心？來自亞洲不同地區嘅佢哋需自付大部分機票酒店等費用，其中台灣男Roy（後排左二）花逾1萬元喺白兵衣飾上，並稱已算便宜。（沈燕媚攝）

【明報專訊】黑武士同白兵日前到訪明報編輯部引起小哄動，佢哋噚日仲現身迪士尼，咁咪連米奇老鼠都要讓路？Emily喺樂園見到大批以《星球大戰》(Star Wars)角色打扮嘅人，佢哋係來自亞洲9個地區合共逾110個星戰狂迷，包括香港、泰國、台灣、日本等地，各人著住劇中人物嘅造型或衣飾喺大熱天巡遊，好似台灣男阿Roy就著咗全副白兵裝束，呢套「行頭」係阿Roy用咗1萬港元購入。

花3.5萬美元砌R2-D2

為咗做忠實粉絲可以去到幾盡？來自印尼、身高6呎5吋嘅「黑武士」Shawn就話，由細到大都好鍾意黑武士角色，為咗今次巡遊，花咗4個月時間同其他戰友溝通。菲律賓星戰迷Tiny花咗3.5萬美元，用咗7年一手一腳設計咗功能齊全嘅R2-D2機械人。

台灣男Roy就話，10年前已經喺台灣加入星戰迷組織「501部隊」，之後要親手整一套盔甲，一般都要萬幾蚊。

遊行期間由黑武士同R2-D2打頭陣，佢哋率領數十白兵由睡公主城堡一路往美國小鎮大街進發，巡遊歷時只係5分鐘，但天氣又濕又焗，不過仍無損一眾星戰迷興致。

更多港聞

黃碧雲梁美芬跨黨派合作

【明報專訊】呢期發生鉛水事件，又臨近年底區議會選舉，各大政黨都紛紛「抽水」檢驗。民主黨黃碧雲同經民聯梁美芬噚日更加將「戰線」伸延至高鐵工程。... 詳情

阿松籲助同胞脫貧

【明報專訊】兩個局長曾德成及鄧國威同日被撤換，引起社會好多猜測同評論，噚日前財政司長梁錦松出席一個籌款活動後，就被問到點睇梁班子嘅人事調動，... 詳情

郭家麒收柯P 回信

【明報專訊】公民黨立法會議員郭家麒早前就台灣粉塵爆炸慘劇，去信台北市同新北市政府致以慰問，獲得台北市長柯文哲（柯P）回信（圖），柯P話多謝郭... 詳情

IT偕做布景板變亮點

【明報專訊】同「男神」一齊影相，有時做「布景板」反而係突圍嘅方法。港大校友關注組截至噚日接獲1536名港大校友聯署，要求校委會盡快確認副校長... 詳情