【明報專訊】前晚劇集《公公出宮》於尖沙嘴舉行煞科宴，黎耀祥、蕭正楠、胡定欣、林夏薇出席。胡定欣與林夏薇竟以情侶裝示人，還作勢嘴對嘴合照，莫非對得黎耀祥等「公公」太耐，大受影響而變攣？原來胡定欣與林夏薇合作得太開心，之後成為好朋友。胡定欣笑說：「大家是第1次合作，成為好朋友是今次收穫之一。我們品味亦差不多，Good Taste﹗(有否被人認錯？)無咁誇張，好開心識到這條傻婆。」

談到袁偉豪微博上載胡定欣的泳衣照，她說：「難得現在才有假期，而大家亦約出海好耐，除了跑步也需要其他Relax。(只得你一個女仔？)有其他女仔，假期希望爭取時間去享受陽光海灘，會小心揀選私隱度高的地方！」林夏薇指二人很有默契，影相出來很相似，有次開工發現大家聽同一首歌，音量大細更差不多。

不怕囝囝出事 祥仔：最多娶新抱

黎耀祥指今次是一班演員夾錢慰勞幕後人員。祥仔更說：「忙完之後會去日本旅行，直至9月、10月才開劇，中間會拍廣告及做騷。(囝囝不會同行？)不會，他今次很生性，希望專心考公開試。(不擔心留港會出事？)不怕，他已大個仔，就算出事都是喜事，最多娶新抱，我們很開通。(囝囝有否拍拖？)現在拍拖也不知是否將來那個，兩小無猜，都有見過，Puppy Love，同學仔一齊溫書、食飯睇戲。」

蕭正楠曬黑 黃翠如唔認得

蕭正楠有份主演新劇《風雲天地》被評為「膠劇」，蕭正楠對此表示：「一直在國內，無留意新聞，其實現在觀眾口味很難捉摸，作為演員只能做到最好，將劇本合理化，希望多些人喜歡。」對於女友黃翠如大爆他好「恰」，蕭正楠說：「是我遷就她﹗不過都幾開心，今次提早收工已給她驚喜，搵朋友幫手約她食飯，最初她也認不出我，因為皮膚曬得太黑，加上環境又黑。」

記者：梁榮達